Er það A.I. eða ‘Æ, æ’, eða stöndum við einhvers staðar þarna á milli? Í þessum sérstaka samstarfsþætti leiða Gervigreindarklúbburinn og Bíófíklar hesta sína saman á Podcaststöðinni. Strákarnir kafa djúpt ofan í heim gervigreindar í kvikmyndum — allt frá klassískum hrollvekjum til hjartnæmra framtíðarsýna.
Stefán Atli, Kjartan og undirritaður ræða helstu stórvirkin sem hafa mótað hugmyndir okkar um vélar, meðvitund og framtíð mannkyns.
Þátturinn fer út fyrir hvíta tjaldið og spyr spurninganna sem brenna á mörgum í dag:
Mun gervigreind taka störfin okkar? Getur tækni öðlast sjálfstæðan vilja? Hvað verður um tilgang mannsins ef vélar geta gert allt betur en við? Er framtíðin meira í ætt við Wall-E, Her eða The Matrix?
