Jake Gyllenhaal er hér umdeilanlega í sínum betri gír í einni rúllandi skemmtilegri sögu af upprisu sósíópata. Þetta er Nightcrawler og hver áhorfandi metur í raun fyrir sig hvort hér sé léttur og ljótur harmleikur á ferð eða stórfyndin mynd um velgengni og metnað.
Friðrik Önfjörð fastagestur sá þessa mynd í fyrsta skiptið og situr ekki á skoðunum sínum frekar en við þáttastjórnendur, enda er leikurinn til þess gerður. Í sameiningu skoðum við Bíófíklar hvað það er í déskotanum sem fær Lou nokkurn Bloom til að tifa með þeim hætti sem hann gerir.
